廟街民族店

尋日放咗工同adrian行街街,仲專登帶adrian去廟街逛逛o個幾間賣民族野既舖頭,3間舖頭之中,我同佢都勁鍾意第二間買自己設計野既民族店,因為d野特別得黎價錢又okay!!對我地兩位民族小fans黎講呢度絕對係一個好蒲點!!相信我久不久我就會去逛o下有咩新貨到~ ^o^

原本我地都唔知d野o係老闆自己設計,到我比錢買個袋叫佢比個新既時候先知,佢答我得一個,我仲以為佢指賣淨一個,後尾佢更正我,再解釋d野每個款得一個,然後我再望到佢d手稿先知原來d野佢自己設計,d野o係獨一無二.......(我要佢講解咁多次先明佢意思,都唔怪得我蠢架.....因為o個老闆都幾怕羞,講野又細聲,再加上講廣東話又唔太正,聽唔明都好正常o者 xp)賣到個靚靚袋非常之興奮哦~~呵呵!!adrian都買咗一隻好特別好靚既手扼添!

之後仲去埋松記食糖水添!!adrian當然食佢既至愛楊枝甘露啦,我因為太飽既關係今次冇食summer轉食馬蹄露,一樣咁yummy!! ^^

今晚行街又買都心頭好仲食埋至愛既松記!!非常滿足!! ^o^v