騎呢事

今日返工發生左件騎呢事....
話說11月份我地搞annual conference 既時候book 左參觀一個展覽館
但最後因為人數唔夠冇去到
今朝無啦啦個展館主任打黎搵我
我以為佢想了解下我地上次做咩唔去
點知解釋完之後
佢仲唔肯收線講埋d同工作上無乜關係既野
問下我份工做咩又講下自己d野比我聽
足足講左個幾鐘......
我都係第一次同個三唔識七既陌生人講咁耐電話......
之後我有電話入同佢講收線....
佢竟然叫我抄低佢number講完電話打番比佢~
我當然抄低就算冇理佢
點知.....半個鐘之後佢又打黎
話收唔到我電話以後佢比錯電話number 我....
我即刻呆左.....=___="
下?? 呢個咩人黎架?唔係悶成咁要捉住人同佢傾電話呀嘛??
之後我唯有搵藉口話自己趕緊野冇打番比佢唔閒再講佢先收線~~!!

到而家呢刻我個疑團都未解開......究竟佢打黎做乜???