天津市政府來港之參觀 18-21/10

呢幾日日日去參觀,之後仲要返公司做野, 都幾攰, 所以呢幾日好懶冇寫日記,等我而家寫返啦~~

星期一 18/10
第一日帶天津市d人去參觀灣仔室內體育館、泳池同運動場,除咗開頭張生佢地去咗第二個入口,花咗一番唇舌同佢地回合之外,一切都幾順利!! 第一次比咭片人原來感覺係怪怪地架喎~xp

星期二 19/10
第二日上午就去咗津聯到聽法律講座, 由於津聯係佢地地頭,唔使等講座完, 11點到就閃番公司lu~之後晏晝就去咗金鐘廉署到聽講座。搭的o個陣o個位司機話o個座就係東昌大廈, 我就以為真係啦, 原來o係隔離o個座,搞到帶錯人地去搭電梯, 真係瘀爆~ 幸好最後執生問番o個實Q o者~
總括o黎講都幾順利o既,廉署既曲女士做present都幾親切生動,難怪天津班人都覺得佢講得好好~ 講座完咗又返公司做野lu~

星期三 20/10
第三日去上晝就去咗中銀國際聽講座, 睇得出中銀國際今次好重視呢次參觀,連佢地副總裁,零售部執行董事、副執行董事都有出席, 好隆重咁~嘿~ anyway, 今次講座講d關於經紀人同證券o既野,對於一個對呢d毫無認識o既我o黎講, 呢個講座都幾有用,我都學識咗dd 野啦~ 值得一提既o係其中一個講者, 好似係零售部既副執行董事,一見到佢,佢比我既感覺好有黎明既feel!! 咁當然黎明靚仔同後生d啦, 我諗佢40幾歲啦 , 皮膚白白的, 個樣都幾okay (以中年人o黎講) 開頭佢坐o係一角既時候都已經開始留意到佢, 之後輪到佢present, 佢一起身── 勁高!!一定過6呎!!着住套西裝一隻手插住褲袋present, 非常殺食!! 加上佢一口流利既北京口音普通話, 幾有黎明feel 呀~~ 哈哈!! 聽present都聽得投入d~~嘩哈哈 xp 我諗佢後生o個陣就應該幾靚仔~~ 嘻嘻~~
聽完present後就參觀零售部, office一個, 都無咩特別~

lunch後就去聯交所,今次輪到我出錯喇~之前無confirm好個地址就以為去IFC一期~ 過咗成個字都唔見有人黎接我地都覺得好出奇,於是打電話比人問清楚, 搞咗一輪先知o係去交易廣場一二期, 幸好o個地點o岩係o係對面, 好險!! 如果唔係就大檸樂!! 同團長講"對不起" o個陣好在佢都冇怪我,仲話d路難找o者 xp 第一次參觀聯交所,o係樓上望落去個電子板同d人着住件有number既紅背心o係自己個座位做野都幾得意~ 短短逗留廿幾鐘之後就去中銀大廈22,26同70樓參觀, 第一次入中銀大廈, 22同26樓都係佢地office, 同普通office都冇咩分別, 係靚d同先進d, 70樓o係用作觀光之用,平時連d職員都唔可以上去,要申請先可以上去,今次都係叨天津政府既光先可以入去參觀~ 個景又真係幾靚既,可惜o個日煙霞都幾大, 咁正既view都睇得唔係好清楚, 實在浪費咗今次咁好既機會! visit完咗又返公司做野,做到成8點先走得,原本約咗toby行街都去唔到, sorry 呢,要你白等一趟添!! 下次補番!! ^^

星期四 21/10
第四日一早入沙田參觀香港文化博物館, 又因為o個到有兩個停車場又搞咗一輪先同天津班人回合到~ anyway, 個博物館都幾多野睇資料幾豐富, 成個館o係介紹香港文化,包括粵劇, 電影起源, 茶杯展, 香港歷史至現今發展, 新界歷史,香港鈔票歷史等等~ 展館同展品都多完化~~ 香港人都值得去參觀一下! 了解一下自己既香港嘛!!參觀完畢後坐佢地順風車去尖咀再搭船仔返公司做野, 做到7點先走, 之後仲要送d cert過西環, 原本今朝已經比咗d cert 張生,點知自己大頭蝦帶留咗一張 cert! 之後仲發現其中一張打錯名~ 自己做錯當然自己負責番啦~ 唯有放工之後比番人地啦.......嘻嘻.....去到西環比完野人地之後,我又發揮我一故路痴既特性, 蕩失路搵唔到返屋企既車站~~ 行咗十幾分鐘冤枉路先記得返囉!! 好低能!! o個陣一路同zoe講緊電話, 佢都服咗我~~ ^_^" hehe........

總括成個visit 黎講都算順利, 正如sarah 所講,一d野你唔出錯過你唔知錯唔會去小心, 下次我一定要好好confirm d地點同細心d架喇~ 下次一定有所進步比你睇既!!