今晚同EPC同學仔去咗金佰利樓上食飯, 真係好耐冇見過JM, rosary同cissy. 雖然今晚gathering唔係咁多人仲有少少陌生既感覺,大家無以前咁多野傾同咁癲, 不過依然食得好舒服同開心 ^o^ 之後大伙兒去咗china bar飲野, 我地仲一路玩圍枚一路睇金枝慾孽大結局添! 好搞笑!! @o@
經過今晚之後,我覺得JM真係乖咗同定性咗好多, 以前同佢落bar 飲野,佢係玩得同飲得好癲o個隻, 但係今晚淨係同我地玩玩吓飲咗少少咋~ 佢仲話佢已經好耐飲酒亦無群以前d朋友仔, 因為媽媽唔鍾意佢地咁壞.......原來世伯件事對佢既影響真係咁大!! 咁o岩今日佢牛一,
Happy birthday to u!! wish u all the best!!
zoe今晚話我瘦咗好多, 叫我食多野d長番d肉, 但係我一d都唔覺自己瘦咗, 為咗証明係佢sterotype 我,於是我頭先上磅磅吓.......結果係.....同平時一樣咁重噃.....你唔好再話我瘦啦一_一", anyway, 多謝你關心喔!! ^.^
corinne, sorry呀!今晚原本應承你去hip hop party又無去到, 因為我真係仲未有咁既心情去呢d party, 下次先同你去過啦!!
2 comments:
哈哈~~
做咩話人stereotype你呀~~?
就算冇瘦到,同平時一樣,都唔代表你唔駛食多d野長肉嫁喎~!
家陣秋風起喇,再唔長肉,大風d都將你欄腰吹斷呀,嘩哈哈哈
繼比人話大風d都吹甩我個頭,而家比你話大風d都吹斷我條腰.....照你地咁講...一大風d我咪應該匿埋,如果唔係比風吹甩個頭同吹斷條腰....成個人分開咗3截...咪好恐怖囉~~~ >__<"
一大風d o既時候, 各位唔該提提我叫我唔好出街! 以防我被吹斷3截後搵唔番自己.....唔該唔該!!嘻嘻嘻嘻XD
Post a Comment